پریزائیڈنگ آفیسر مظفر شاہ کو اسکرپٹ کس نے دیا ؟ حیران کن دعویٰ

کراچی (مانیٹرنگ ڈیسک/این این آئی)وزیراعلیٰ سندھ سید مراد علی شاہ کا کہنا ہے کہ مظفر حسین شاہ لائق آدمی ہیں وہ ایسی غلطی نہیں کر سکتے لیکن وہ اسکرپٹ پڑھ رہے تھے۔وزیراعلیٰ سندھ نے کہا کہ جنہوں نے کیمرا لگایا انہوں نے ہی مظفر شاہ کو اسکرپٹ دیا ، یوسف رضا گیلانی ہی چیئرمین سینیٹ ہیں ، عدالتیں انصاف فراہم کریں گی۔دوسری جانب وزیر اعلی سندھ سید مراد علی شاہ نے کہا ہے کہمعاشرہ ایسے ادروں پر انحصار کرتا ہے جو تعلیم کے ساتھ ساتھ تربیت پر بھی توجہ دیتے ہیں تاکہ معاشرہ ایسے لوگوں کو چیلنجوں کے ساتھ قبول

کرے اور ان کو زندگی میں کمانے کے مساوی مواقع فراہم کرے۔ یہ بات انہوں نے ڈیفنس فیز فور میں کراچی ووکیشنل ٹریننگ سنٹر(کے وی ٹی سی)جدت اسٹور کی افتتاحی تقریب سے خطاب کرتے ہوئے کہی، جس کا اہتمام سینیٹر عبدالحسیب نے کیاتھا۔ انہوں نے کہا کہ یہ نہ صرف کے وی ٹی سی کی کامیابیوں کا سفر ہے بلکہ سندھ کے ساتھ ساتھ پاکستان کے تمام معذور افراد کے لیے ایک بہت بڑا سنگ میل ہے۔ مراد علی شاہ نے کہا کہ کے وی ٹی سی ہمارے معاشرے کے خصوصی افراد کی تربیت اور ترقی میں اہم کردار ادا کررہا ہے ، یہ واحد ادارہ ہے جو بین الاقوامی معیار کے مطابق ہے۔ انہوں نے مزید کہا کہ یہ کے وی ٹی سی واحد ادارہ ہے جہاں خصوصی افراد کو پائیدار اور مہذب زندگی گزارنے کے لئے تربیت دی جاتی ہے۔ وزیراعلی نے کہا کہ پہلے ایسے بچوں کو بوجھ سمجھا جاتا تھا مگر اب کے وی ٹی سی انہیں اس قابل بنا رہی ہے کہ وہ اپنے ساتھ اپنے خاندان کی کفالت بھی کرسکیں۔ انہوں نے کہا یہ ایک بہت بڑا کام ہے۔ کے وی ٹی سی اور اس کی ٹیم تعریف اور ہمارے تعاون کی حقدار ہے۔ انہوں نے کہا کہ میں کے وی ٹی سی انتظامیہ ، اساتذہ ، خاص طور پر سینیٹر عبدالحسیب خان کے ان مخلصانہ کاوشوں کو سراہاتا ہوں ، جن کے وژن نے اس انسٹی ٹیوٹ کو کامیابی کی بلندیوں پر پہنچایا ہے ۔ مراد علی شاہ نے کہا کہ سندھ حکومت کے وی سی ٹی کے ساتھ کھڑی ہے اور اپنے 2030 کے وژن کے تحت پورے سندھ میں کم از کم 5،000 معذور/خصوصی افراد کو قابل بنائیں گے ۔ وزیراعلی سندھ نے کہا کہ معاشرہ ایسے اداروں پر انحصار کرتا ہے جو تعلیم کے ساتھ ساتھ تربیت پر توجہ دے تاکہ معاشرہ ایسے لوگوں کو چیلنجوں کے ساتھ قبول کرے اور ان کو زندگی میں کمانے کے مساوی مواقع فراہم کرے۔آخر میں وزیراعلی سندھ نے یہ عہد کیا کہ وہ ہر سطح پر کے وی سی ٹی کی حمایت کریں گے اور خصوصی افراد کی آواز بنیں گے۔قبل ازیں وزیراعلی سندھ نے ڈیفنس فیز فور میں کے وی سی ٹی کے اسٹور کی افتتاحی تقریب کے آغاز کے موقع پر ریبن کاٹا۔ وزیر اعلی سندھ نے آٹ لیٹ کی مختلف ورکشاپس کا دورہ بھی کیا جہاں مختلف معذور افراد کپڑے ڈیزائن کر رہے تھے اور نئے ڈیزائن کے ساتھ کپڑے تیار کررہے تھے۔

Leave a Reply

Your email address will not be published. Required fields are marked *