’’ افواج پاکستان پر تنقید کر نیوالوں پر سیاست میں حصہ لینے پر تا حیات پابندی ‘‘بڑا مطالبہ کر دیا گیا

لاہور (آن لائن) پاکستان جمہوری لیگ نے افواج پاکستان پر تنقید کر نیوالوں پر سیاست میں حصہ لینے پر تا حیات پابندی کا مطالبہ کرتے ہوئے کہا ہے کہ ایسے لوگ رکن پار لیمنٹ بننے کی بھی اہل نہیں ہیں پار لیمنٹ کو ایسے لوگوں سے پاک کیا جائے ‘22کروڑ پاکستانی آر می چیف جنر ل قمر جاوید باجوہ اور ڈی آئی ایس آئی لیفٹیننٹ جنرل فیض حمیدکیساتھ متحد کھڑے ہیں ‘حکومت افواج پاکستان کو کمزور کر نے کی سازشیں کر نیوالوں کیخلاف آرٹیکل6کے تحت مقدمات در ج کر ے ایسے لوگ کسی معافی کے مستحق نہیں ہوسکتے ۔ پاکستان

جمہوری لیگ کے چیئر مین رانا زمان سعید نے سیکرٹری اطلاعات زاہد حمید گوندل کے ہمراہ پارٹی کارکنوں سے خطاب کرتے ہوئے کہا ہے کہ افواج پاکستان پر تنقید کر نیوالے سیاستدانوں کی جتنی بھی مذمت کی جائے وہ کم ہے ایسے لوگوں کے پار لیمنٹ میں داخلے پر بھی تاحیات پابندی لگاکر انکے خلاف آرٹیکل چھ کے مقدمات درج کر کے انکو نشانہ عبر ت بنا یاجائے ۔ رانا زمان سعید نے کہا کہ دہشت گردی کے خاتمے اور امن کے قیام کے لیے افواج پاکستان نے آر می چیف جنر ل قمر جاوید باجوہ اور ڈی آئی ایس آئی لیفٹیننٹ جنرل فیض حمیدکی قیادت میں جو قر بانیں دیں ہیں ہمیں اس پر فخر ہے ملک میں دہشت گردی کے خاتمے اور امن کے قیام کا کر یڈٹ بھی افواج پاکستان کو ہی جاتا ہے پوری قوم بھر پور جذبے اور قوت کے ساتھ افواج پاکستان کے ساتھ کھڑی ہے اور ملک دشمنوں کے عزائم کو انشاء اللہ خاک میں ملا دیا جا ئے گا ۔ انہوں نے کہا کہ افواج پاکستان پر تنقید کرنیوالے ملک وقوم کے دشمن ہیں ان کا ہر سطح پر نہ صرف گھیرائو کیا جائے گا بلکہ ایسے لوگوں کو عوام کے سامنے بھی بے نقاب کر یں گے .

Leave a Reply

Your email address will not be published. Required fields are marked *