حکومت تاجروں پر اچانک لاک ڈاؤن کا بم گرا رہی ہے، تاجر برادری نے پنجاب حکومت کے 6 بجے کاروبار بند کرنے کے فیصلے کو مسترد کردیا

ملتان (این این آئی)مرکزی تنظیم تاجران کے چیئرمین خواجہ سلمان صدیقی نے کہا ہے کہ حکومت تاجروں پر اچانک لاک ڈاؤن کا بم گرا رہی ہے۔پریس کلب میں میڈیا سے گفتگو کرتے ہوئے خواجہ سلمان صدیقی نے کہاکہ ہم حکومت کے لاک ڈاؤن کے تمام فیصلوں کو مسترد کرتے ہیں،صرف پنجاب کے5 سے ساتھ شہر بند کیے جارہے ہیں ، باقی پورا پاکستان کھلا ہوا ہے۔ انہوںنے کہاکہ گزشتہ لاک ڈاؤن کے نقصانات سے ابھی تاجر باہر نہیں آئے کے دوبارہ لاک ڈاؤن کیا جا رہا ہے، صرف کپڑوں کی قیمتیں گزشتہ تین ماہ میں تیس سے چالیس فی صد

تک بڑھی ہیں۔چیئرمین مرکزی تنظیم تاجران نے کہاکہ اگر لاک ڈاؤن کرنا بھی ہے تو شام چھ بجے کے بجائے دکانیں 8 بجے تک بند کرنے کا اعلان کیا جائے۔ دوسری جانب آل پاکستان انجمن تاجران نے بھی پنجاب حکومت کے 6 بجے کاروبار بند کرنے کے فیصلے کو مسترد کردیا ہے۔صدر آل پاکستان انجمن تاجران اجمل بلوچ کا کہنا ہے کہ پنجاب حکومت شام 6 بجے دکانیں بند کرنے کا نوٹیفکیشن واپس لے،کاروبار جتنی دیرتک کھلا رہیگارش نہیں ہوگا،ان کا کہنا تھا ہے کہ ہمیں کاروبار کرنیدیاجائے ہم مشکل حالات میں کام کرنا سیکھ چکے۔

Leave a Reply

Your email address will not be published. Required fields are marked *