حکومت نےایک بار پھر اپوزیشن کو مذاکرات کی دعوت دیدی

اسلام آباد (این این آئی)وفاقی حکومت نے اپوزیشن کو مذاکرات کی دعوت دیتے ہوئے لانگ مارچ منسوخ کرنے کا مطالبہ کر دیا ۔وفاقی وزیر سائنس و ٹیکنالوجی فواد چودھری نے وزیراطلاعات شبلی فراز کے ہمراہ پریس کانفرنس کرتے ہوئے کہا کہ پاکستان ڈیموکریٹک مومنٹ (پی ڈی ایم) لانگ مارچ ملتوی کرے اور حکومت سے مذاکرات کرے۔انہوں نے کہا کہ نیب اور عدالتوں پرحکومت کا کوئی اختیار نہیں۔انہوںنے کہاکہ اپوزیشن لانگ مارچ منسوخ کرے ۔ دوسری جانب پاکستان پیپلزپارٹی سندھ کے صدر نثاراحمد کھوڑو نے کہاہے کہ لانگ مارچ تحریک کا آخری موومنٹ ہے، پی ڈی ایم کا لانگ مارچ 26

مارچ کوکراچی سے روانہ ہوگا۔میڈیا سے گفتگو کرتے ہوئے پیپلزپارٹی کے رہنما نثار کھوڑو نے کہا کہ حکومت عوام کی دشمن ہے مایوسی کے سوا کچھ نہیں دیا، غریب آدمی زندگی کے مشکل ترین حالت سے دوچار ہے، لانگ مارچ بلاول بھٹو کی قیادت میں بائی روڈ روانہ ہوگا۔انہوں نے کہاکہ موجودہ حکومت کو اکثریت حاصل نہیں، 26 مارچ کے لانگ مارچ پر دھمکیاں دی جارہی ہیں مگر ڈرنے والے نہیں، عوام لانگ مارچ کا حصہ بنیں اور غریب کے لیے سڑکوں پر نکلیں۔پیپلزپارٹی رہنما نے کہا کہ پیپلزپارٹی نے عوامی مسائل کے حل کے لیے لاشیں اٹھائی ہیں، عوام کے ستارے بھٹو کو پھانسی پر لٹکایا گیا۔انہوں نے کہا کہ سینیٹ الیکشن چرائے گئے، قوم نے دیکھا کیسے اختیارات کا غلط استعمال کیا گیا، سپریم کورٹ کی رولنگ کے مطابق خانے میں لگی مہر ووٹ کہلاتی ہے۔نثار کھوڑونے کہاکہ سینیٹر میں سے کوئی ادھر ادھر نہیں گیا، حکومت سنجرانی کے ووٹ سامنے لائے۔

Leave a Reply

Your email address will not be published. Required fields are marked *