پی پی رہنما سید یوسف رضا گیلانی سینیٹ میں قائد حزب اختلاف مقرر ،سینیٹ سیکرٹریٹ نے نوٹیفیکیشن جاری کردیا

اسلام آباد ( آن لائن ) پاکستان پیپلز پارٹی کے سینیٹر سید یوسف رضا گیلانی کو سینیٹ میں قائد حزب اختلاف مقرر کر دیا گیا ،سینیٹ سیکرٹریٹ نے باضابطہ نوٹیفیکیشن جاری کردیا ۔ سینیٹ سیکرٹریٹ سے جاری نوٹیفیکیشن کے مطابق چیرمین سینیٹ نے رول 16(3) سینیٹ 2012ء میں قوائد و ضوابط کے طریقہ کار کے تحت سینیٹر سید یوسف رضا گیلانی کو ایوان بالا میں قائد حزب اختلاف مقرر کردیا ہے ۔
ان کے تقرری کا اطلاق 26مازچ2021 ء سے ہوگا ۔قبل ازیں پاکستان پیپلز پارٹی کے وفد نے شیری رحمن کی قیادت میں چیئرمین سینیٹ صاد ق سنجرانی سے ملاقات

کی پیپلز پارٹی کے رہنما و سابق وزیراعظم سینیٹر سید یوسف رضا گیلانی نے سینیٹ میں اپوزیشن لیڈر کیلئے30 ارکان کی حمایت کے دستخطوں کے ساتھ چیئیر مین سینیٹ صادق سنجرانی کے پاس درخواست جمع کر وائی ہے ،یوسف رضا گیانی کے ہمراہ شیری رحمان، روبینہ خالد سمیت دیگر شریک تھے۔ ملاقات کے بعد شیری رحمان نے گفتگو کرتے ہوئے کہا کہ چیئرمین سینیٹ کیلئے ہم نے کل 30 ممبرز کے دستخط کے ساتھ درخواست جمع کروائی ہے جن میں21 پیپلزپارٹی، 2 اے این پی اور ایک جماعت اسلامی کا ممبر شامل ہے جبکہ 2 فا ٹا، دلاور خان کے آزاد گروپ کے 4 ممبران نے بھی حمایت کی ہے ۔ انہوں نے کہا کہ پی ڈی ایم کا کوئی جنازہ نہیں پڑھا گیا یہ پیپلزپارٹی کا حق تھا اس مو قع پر سا بق وزیراعظم یوسف رضا گیلانی کا کہنا تھا کہ مجھے نہیں معلوم کہ مجھے کتنے لوگوں کی حمایت حاصل ہے مجھے تو شیری رحمان نے یہاں بلایا ہے۔چیئرمین سینیٹ يے اراکین کے دستخطوں کی تصدیق کے بعد اپوزیشن لیڈر کا نوٹیفیکیشن جاری کر دیا ۔ ذرائع کے مطابق خیبرپختونخواہ سے آزاد سینیٹر دلاور خان نے سینیٹ میں اپنا پارلیمانی انڈیپنڈنٹ گروپ بنانے کا فیصلہ کرلیا، سینیٹر دلاور خان خیبرپختونخواہ اور بلوچستان سے منتخب آزاد سینیٹرز کی حمایت سے اپنا پارلیمانی انڈیپنڈنٹ گروپ بنائیں گے، سینیٹر دلاور خان خیبرپختونخوا اور بلوچستان کے آزاد سینیٹرز کے انڈیپنڈنٹ گروپ کے پارلیمانی سربراہ ہوں گے۔ ذرائع کا کہنا ہے کہ سینیٹر دلاور خان کی سربراہی میں سینیٹرز کا انڈیپنڈنٹ گروپ اپوزیشن کا ساتھ دے گا اور سینیٹر دلاور خان انڈیپنڈنٹ بلاک میں دیگر مختلف سینیٹرز کے ہمراہ یوسف رضا گیلانی کی حمایت کرسکتے ہیں ۔

Leave a Reply

Your email address will not be published. Required fields are marked *