حکومت نے ایچ ای سی کی خودمختاری ختم کردی

اسلام آباد(این این آئی)پاکستان تحریک انصاف کی وفاقی حکومت نے ہائر ایجوکیشن کمیشن (ایچ ای سی) کی خودمختاری ختم کرنے کا فیصلہ کیا ہے۔ذرائع کے مطابق وفاقی کابینہ نے ایچ ای سی کو باقاعدہ وزارت تعلیم کے ماتحت کرنے کے آرڈیننس کی منظوری دے دی ہے۔وفاقی کابینہ کی جانب سے منظور کیے گئےآرڈیننس کے مطابق آئندہ ایچ ای سی کے تمام فیصلے وزارت تعلیم کی منظوری سے مشروط ہونگے۔ذرائع کے مطابق وفاقی کابینہ سے منظوری کے بعد صدرمملکت کی جانب سے آج آرڈیننس کی منظوری دیئے جانے کا امکان ہے۔خیال رہے کہ ایچ ای سی کے تمام سابقہ سربراہان نے

ماضی میں خودمختاری کو محدود کرنے کی ایسی کوششوں کی مخالفت کی تھی۔خیال رہے کہ اس سے قبل وفاقی حکومت نے چیئرمین ہائر ایجوکیشن کمیشن طارق بنوری کو عہدے سے ہٹا دیا تھا۔ جس کے بعد اسٹیبلشمنٹ ڈویڑن نے چیئرمین ایچ ای سی طارق بنوری کو عہدے سے ہٹانے کا نوٹیفکیشن جاری کیا تھا۔واضح رہے کہ طارق بنوری کو سابق وزیر اعظم شاہد خاقان عباسی نے 2018 میں تعینات کیا تھا اور چیئرمین ایچ ای سی طارق بنوری نے مئی 2022 تک 4 سالہ مدت پوری کرنا تھی۔ذرائع کے مطابق کابینہ کمیٹی برائے قانون سازی نے اس حوالے سے باقاعدہ آرڈیننس منظور کیا تھا۔ جس کے بعد چیئرمین ایچ ای سی کی مدت ملازمت 4 سے 2 سال ہو جانی تھی۔ ذرائع کے مطابق وفاقی کابینہ نے ایچ ای سی کو باقاعدہ وزارت تعلیم کے ماتحت کرنے کے آرڈیننس کی منظوری دے دی ہے۔وفاقی کابینہ کی جانب سے منظور کیے گئے آرڈیننس کے مطابق آئندہ ایچ ای سی کے تمام فیصلے وزارت تعلیم کی منظوری سے مشروط ہونگے۔

Leave a Reply

Your email address will not be published. Required fields are marked *