سعودی ولی عہد کا بڑے پروجیکٹ کے افتتاح کا اعلان 

ریاض (این این آئی)سعودی عرب کے ولی عہد شہزادہ محمد بن سلمان نے شمسی توانائی سے چلنے والے سکاکا آئی پی پی، پی وی پاور پلانٹ کے افتتاح کا اعلان کیا ہے۔سعودی پریس ایجنسی کی اطلاع کے مطابق سکاکا مملکت کا قابل تجدید توانائی کا پہلا منصوبہ ہے۔ سعودی عرب نے شاہ سلمان بن عبدالعزیزکی ہدایات کی روشنی میں قومی معیشت کی ترقی کے لیے بجلی کی پیداوار کے ساتسمجھوتوں پر دست خط کیے ۔ سکاکاپاور پلانٹ کا بھی ان کی ہدایات کی روشنی میں آغاز کیا جارہا ہے۔سعودی ولی عہد شہزادہ محمد بن سلمان نے اس منصوبے کے افتتاح

کے موقع پر کہا کہ چند ہفتے قبل سبز سعودی اقدام اور سبز مشرق اوسط اقدامکا اعلان کیا گیا تھا۔میں یہ وضاحت کروں گا کہ سعودی عرب دنیا میں تیل کے سب سے بڑے پیدا کنندہ ملک کی حیثیت سے موسمیاتی تبدیلی کے خلاف جنگ میں اپنی ذمے داریوں سے کماحقہ آگاہ ہے۔ توانائی کی مارکیٹوں میں استحکام کے لیے اپنے قائدانہ کردار کے تسلسل کے طور پرہم قابل تجدید توانائی کے شعبے میں بھی نمایاں کردار ادا کریں گے۔انھوں نے بتایا کہ ان منصوبوں کی تکمیل کے بعد 6 لاکھ سے زیادہ گھروں کو بجلی مہیا ہوگی اور اس سے گرین ہائوس گیسوں کے اخراج میں 70 لاکھ ٹن سے زیادہ کی کمی واقع ہوگی۔ان میں سے بعض منصوبوں سے بہت کم لاگت میں بجلی تیار ہوگی اور یہ ایک نیا عالمی ریکارڈ ہوگا۔انھوں نے کہا کہ ان کے علاوہ بھی سعودی عرب میں تعمیر کیے جانے والے قابل تجدید توانائی کے دوسرے منصوبوں میں توانائی کے استعمال سے بجلی کی پیداوارکے لیے ہماری حکمت عملی میں وضع کردہ تمام لوازم کو شامل کیا گیا ہے۔

Leave a Comment