آرمی چیف کا فوجی فاؤنڈیشن ہیڈ کوارٹرز کا دورہ 100 بستروں پر مشتمل ہسپتال کا افتتاح کردیا

ر اولپنڈی (این این آئی)آرمی چیف جنرل قمر جاوید باجوہ نے فوجی فاؤنڈیشن ہیڈکوارٹرز میں 100بستر کے ہسپتال اور اسکول آف نرسنگ کا افتتاح کردیا۔آئی ایس پی آر کے مطابق آرمی چیف جنرل قمر جاوید باجوہ نے فوجی فاؤنڈیشن ہیڈ کوارٹرز کا دورہ کیا ، فوجی فاؤنڈیشن ہیڈکوارٹرز آمد پر آرمی چیف کااستقبال ایم ڈی وقاراحمد نے کیا۔ اس موقع پر آرمی چیفکو فوجی فاؤنڈیشن کے جاری اور مستقبل کے منصوبوں پر بریفنگ دی گئی۔آ ئی ایس پی آر کے مطابق جنرل قمر جاوید باجوہ نے فوجی فاؤنڈیشن کی کارکردگی اور عزم کی تعریف کرتے ہوئے فوجی فاؤنڈیشن کو مستقبل

سے متعلق بھرپور سپورٹ کی یقین دہانی کرائی، آرمی چیف نے دورے کے دوران 100 بستروں پر مشتمل اسپتال اور فاؤنڈیشن یونیورسٹی انسٹیٹیوٹ کا افتتاح کیا۔واضح رہے فوجی فاؤنڈیشن 1954سے مسلسل قومی خدمت میں مصروف عمل ہے ،ریٹائرڈفوجیوں کی فلاح کیلئے قائم ادارے سے لاکھوں سویلیئنز بھی مستفید ہو رہے ہیں۔فوجی فاؤنڈیشن کے 71 فیصد ملازمین سویلین جبکہ صرف 29 فیصد ریٹائرڈ فوجی ہیں ،اس فاؤنڈیشن کے موجودہ مینجنگ ڈائریکٹروقاراحمدملک خود ایک سویلین ہیں۔ فاؤنڈیشن نے ملکی تعمیروترقی اور معاشی خوشحالی میں مسلسل اہم کردار کیا اور صرف پچھلے سال فوجی فاؤنڈیشن نے ٹیکس کی مد میں 175ملین روپے ادا کیے، ٹیکس، ڈیوٹی، لیویزکی مد میں ادا کردہ رقم وفاقی بجٹ کا تقریباً2.45 فیصدہیں۔گزشتہ10سال میں ٹیکس و ڈیوٹی کی مدمیں ساڑھے1300ارب سے زائدجمع کرائے گئے ،ریٹائرڈفوجیوں کی اکثریت40سے45سال کی عمرمیں ریٹائرڈجونئیررینکس کی ہے ، ان ملازمین کوکارآمدافرادی قوت بنایا جاتا ہے تاکہ معیشت پربوجھ نہ بنیں۔فوجی فاؤنڈیشن کے منصوبوںاوررفاہی کاموں سے 9ملین افرادمستفیدہورہے ہیں اور مستفیدہونیوالے افرادملکی آبادی کا 4.5فیصد ہیں۔تعلیم اورصحت کے شعبوں میں بالخصوص فوجی فاؤنڈیشن کی خدما ت بے مثال ہیں ، 10سالوں میں فوجی فاؤنڈیشن نے صحت اورتعلیم پر79بلین روپے خرچ کیے ، 45بلین روپے صحتجبکہ 34بلین روپے تعلیمی منصوبوں پر خرچ ہوئے۔اس وقت ملک بھر میں فوجی فاؤنڈیشن کے133تعلیمی ادارے قائم ہیں جبکہ صحت عامہ کے74مراکز بھی چلا رہا ہے ،صحت عامہ کے مراکز میں کئی بڑے اسپتال، کلینکس اور میڈیکل سنٹرز شامل ہیں ، ہیلتھ کئیرسسٹم سے مستفید 80فیصد مریض غازیوں،شہیدوں کے لواحقین ہیں۔

Related Posts

Leave a Reply

Your email address will not be published. Required fields are marked *